Հարգելի Իլվանա, բարև Ձեզ: Երիկամների համար նշանակված դեղորայքը ամենայն հավանականությամբ, ավազի դուրս բերման համար է եղել և 20 օր խմելուց հետո ցավը կապված է եղել հենց ավազի դուրս բերման հետ, ցանկալի էր, որ բուժումը շարունակեիք: Ինչ վերաբերում է զարկերակային ճնշման բարձրացմանը, ապա նշանակված դեղորայքը չի օգնել, և հարկավոր է կամ այն փոխել, կամ դոզան բարձրացնել: Զարկերակային գերճնշման դեպքում դեղորայքի ընտրությունն անհատական է և հնարավոր է մի քանի դեղե փոխելուց հետո նոր գտնեք Ձեզ համար արդյունավետ տարբերակը: Դիմեք նորից Ձեզ բուժուղ բժշկին այլ դեղորայք նշանակելու, կամ դեղի դոզան բարձրացնելու համար:

Հարգելի Lili, բարև Ձեզ: Եթե հեշտոցի քսուքում լեյկոցիտների քանակը բարձր է դա բորբոքման նշան է, և հարկավոր է պարզել բացի սնկային ախտահարումից, չկա արդյոք ինֆեկցիոն պրոցես: Որոշ ինֆեկցիաների դեպքում հեշտոցի քսուքի բջջաբանական հետազոտությունը ինֆորմատիվ չէ: Եթե այլ ինֆեկցիա չի հայտնաբերվել, միայն սնկային կոլպիտի համար ներքին ընդունման հաբերը և հեշտեցային մոմիկները էֆեկտիվ կլինեն: Եթե կա այլ ինֆեկցիա խնդրում եմ նշեք:

Հարգելի ELEN, հղիության ընթացքում շնչառական ինֆեկցիաներով հիվանդանալը ցանկալի չէ, հատկապես հղիության առաջին եռամսյակում, քանի որ այդ ընթացում տեղի է ունենում պտղի օրգան-համակարգերի զարգացումը և ինֆեկցիոն պրոցեսը կարող է վատ անդրադառնալ: Քանի որ արդեն հիվանդ եք, ոչինչ փոխել հնարավոր չէ, հարկավոր է դիմել բժշկի համապատասխան բուժում ստանալու համար: Եղեք անընդհատ բժշկի հսկողության տակ համոզվելու համար, որ պտղի զարգացումը նորմալ է ընթանում: Հետագայում աշխատեք, որ հիվանդությունը չկրկնվի, ցանկալի է ստանալ իմունիտետը բարձրացնող միջոցներ:

Հարգելի Astxik, բարև Ձեզ: Ամենայն հավանականությամ կիստան ֆոլիկուլյար է եղել, որն ինքնուրույն ներծծվել է: Ինչ վերաբերում է դաշտանի առաջին օրերին  մուգ շագանակագույն արտադրությանը, դա կապված չէ կիստայի հետ: Եթե դաշտանի սկսվելուց առաջ նաև ունենում եք ցավեր կրծքագեղձերում, որովայնի փկվածություն, դա կարող է էնդոմետրիոզի նշան լինել: Ցանկալի է դիմել գինեկոլոգի խորհրդատվության:

Հարգելի TAMARA, բարև Ձեզ: Նշված միջոցները կարելի է երկարատև օգտագործել, սակայն, եթե դրանք ոչ էֆեկտիվ են հարկավոր է տեղեկացնել բժշկին, միգուցե կա ինֆեկցիա, որի դեպքում սովորական հակասեպտիկները օգուտ չեն տա: Այդ դեպքում կնշանակվեն նաև հակաբիոտիկ պարունակող քսուքներ:

Հարգելի Anush, ստորև ներկայացնում ենք կայքերի հղումներ, որտեղ կգտնեք անհրաժեշտ ինֆորմացիան.

http://www.7ya.ru/article/Grud-posle-rodov-sekrety-krasoty/

http://www.arabio.ru/sovety/uprugaya_grud.htm

http://www.herpes.ru/hudo/sf/kornelia_grud.htm

Հարգելի Lika, բարև Ձեզ: Ծակոցները որովայնի ստորին հատվածում և դաշտանի խանգարումները կապված են ձվարանի կիստայի հետ: Քանի որ դեղորայքի ընդունումից հետո նկատվել է դրական տեղաշարժ, ցանկալի է շարունակել բուժումը: Ձվարանի կիստան կարող է խնդիրներ առաջացնել հետագայում, հղիանալու համար: Ինչ վերաբերում է սրտխառնոցին, դա այնքան էլ բնորոշ չէ ձվարանի կիստային, պատճառն այլ է: Գոտկային հատվածում հետքերի բնույթը պարզելու համար հարկավոր է մաշկաբանի կոնսուլտացիա: Ցանկալի է դիմել և թերապևտի, և գինեկոլոգ-էնդոկրինոլոգի:

Հարգելի Anush, բարև Ձեզ: Կրծքով չկերակրած կանանց մոտ կրծքագեղձերի կառուցվածքի մեծ մասը կազմում է ճարպային հյուսվածքը: Հղիության ընթացքում, հորմոնների ազդեցության տակ տեղի է ունենում գեղձային հյուսվածքի զարգացում և կրծքագեղձերի բլթերի մեծացում: Կրծքերը չափերով մեծանում են ի հաշիվ գեղձային հյուսվածքի: Կերակրելը դադարեցնելուց հետո կրծքագեղձը նորից վերադառնում է իր նախկին տեսքին, երբեմն նաև դառնում է չափերով ավելի փոքր քան մինչ հղիությունը: Դա կապված է գեղձային հյուսվածքի հետաճի հետ: Նախկին տեսքը դժվար թե նորից ստանա, քանի որ արդեն կա կառուցվածքային փոփոխություն: Կան համապատասխան վարժություններ, որոնց միջոցով հնարավոր է որոշ չափով փոխել կրծքերի ձևը:

Հարգելի Davit, բարև Ձեզ: Հոդախախտի հետևանքով կարող էր առաջանալ հոդի վնասվածքային բորբոքում, սակայն վնասվածքային հոդաբորբը հոդի կառուցվածքային փոփոխություն չի առաջացնում և ժամանակի ընթացքում ինքնուրույն անցնում է: Ցանկացած տեսակի հոդաբորբի դեպքում ջերմաստիճանի բարձրացումը տեղային է: Ձեզ մոտ ջերմության բարձրացումն ունի այլ պատճառ, հարկավոր է հետազոտվել:

Հարգելի AMALYA, հավանաբար Դուք նշել եք հեշտոցի քսուքի հետազոտության պատասխանները: Կանդիդա սունկն առաջացնում է հեշտոցի լորձաթաղանթի բորբոքում, հիմնականում արտահայտվում է հեշտոցի միկրոֆլորայի խախտման ժամանակ: Տեղային և ներքին ընդունման հակասնկային միջոցներով հեշտությամբ բուժվում է: Ինչ վերաբերում է , ապա ամենայն հավանականությամբ նկատի են ունեցել Escherichia coli բակտերիան, այլ կերպ կոչվում է աղիքային ցուպիկ: Այն սեռական օրգաններ անցնելով կարող է առաջացնել հեշտոցի լորձաթաղանթի, ինչպես նաև ձվարանների բորբոքում, այս դեպքում պետք է հետազոտել նաև ձվարանները: Բուժումը հակաբակտերիալ է, նաև ուղղված պետք է լինի հեշտոցի նորմալ միկրաֆլորան վերականգնելուն: Եթե կա ձվարանների բորբոքում, հնարավոր է, լինի դաշտանի խանգարում:

Հարգելի Anna, բարև Ձեզ: Դաշտանի սկսվելու օրերին ջերմության բարձրացումը մինչր 37 աստիճան, անհանգստացնող չէ: Դա կապված է դաշտանի ընթացքում արյան կորստի, օրգանիզմի սթրեսային վիճակի հետ: Եթե կնակտեք ջերմության բարձրացում 37 աստիճանից բարձր, դա կարող է բորբոքային պրոցեսի նշան լինել, հարկավոր է դիմել բժշկի: Դաշտանից 10 օր առաջ ջերմաստիճանի բարձրացումը մինչև 37 աստիճան, կարող է կապված լինել ձվազատման հետ, որը նորմալ է այդ օրերի համար և կապված է հորմոնալ տեղաշարժերի հետ:

Հարգելի Viktorya, միայն մաշկի գույնի փոփոխությամբ ախտորոշել հիվանդությունը դժվար է, հնարավոր է նշված հատվածներում մաշկի գույնի մգացումը կապված է մելանին գերարտադրության, և տվյալ հատվածում կուտակման հետ, որն էլ առաջացնում է քոր: Հնարավոր է, որ տվյալ հատվածներում ի սկզբանե եղել է վերքային մակերես կամ վնասվածք, որն էլ լավանալով բերել է մելանին պիգմենտի կուտակման: Ցանկալի է դիմել մաշկաբանի խորհրդատվության:

Հարգելի SHushanik 18.04.2015, բարև Ձեզ: Ձեր հարցից անհասկանալի է, որպես բուժում նշանակված է միայն նշված դեղորայքը, թե այն համակցվել է վիրահատական բուժման հետ: Խնդրում եմ նշել, թե որ փուլում է գտնվում քախցկեղը: Եթե հաստատվել է արգանդի վզիկի քաղցկեղ, անկախ դրա փուլից, հարկավոր է վիրահատական միջամտություն, որը կախված փուլից, մետասազների առկայությունից տարբեր ծավալ է ունենում: Առաջին ստադիայում կարող է կատարվել արգանդի վզիկի կոնիզացիա, կամ արգանդի հեռացում: Ավելի ծանր դեպքերում ծավալը փոխվում է, որն ընդգրկում է արգանդի հեռացում, ինչպես նաև տվյալ հատվածի ավհանգույցների հեռացում, որը համակցվում է ճառագայթային կամ քիմիոթերապիայի հետ: Նշված բոլոր վիրահատությունները կարող են համակցվել դեղորայքային բուժման հետ ` որն իր մեջ ընդկրկում է հակաբակտերիալ, օրգանիզմի իմունիտետը բարձրացնող միջոցներ:

Հարգելի Amalya, բարև Ձեզ: Դուք նշում եք, որ աջ ձվարանում կա ֆոլիկուլյար կիստա, միաժամանակ նաև դաշտանի ուշացում, դա կապված է հորմոնալ խանգարումների հետ: Ցանկալի է ստուգել սեռական հորմոնները: Պարզելուց հետո, թե կոնկրետ որ հորմոնի քանակն է խախտված, համապատասխան դեղորայքի միջոցով կարելի է կարգավորել դաշտանը, որից հետո ֆոլիկուլյար կիստան ինքնուրույն կանցնի: Ցավերը հենց դրա հետ էլ կապված են: Ինչ վերաբերում է ձախ ձվարանի մեծացմանը, ապա դա կարող է լինել ինչպես բորբոքային պրոցեսների, այնպես էլ հորմոնալ շեղումների դեպքում: